Brimdalur 14

Allar nánari upplýsingar veita:

Elísabet Kvaran löggiltur fasteignasali í síma 781-2100, [email protected]

Karólína Íris löggiltur fasteignasali í síma 772-6939, [email protected]

Nánari lýsing
Forstofa er með ljósum gólfflísum og dökkum viðarfataskáp sem nær upp í loft. Inn af forstofu er gengið inn í bílskúr, gestasalerni og inn í alrými íbúðar.
Gestasalerni er með eins gólfflísum og forstofa og ná flísar upp á salerniskassa. Upphengt salerni og skápur undir handlaug.
Stofa og borðstofa ásamt sjónvarpsrými er í skemmtilega opnu rými með eldhúsi. Útgengi er út á viðarverönd frá stofu.
Eldhús er opið inn í stofu og skilur eyja á milli. Við eyju er hægt að koma fyrir fjórum háum stólum. Whirlpool spanhelluborð á eyju. í innréttingu er innfelld Whirlpool uppþvottavél, sjálfhreinsandi bakaraofn og vínrekki ofan við ísskáp. Útdraganlegar skúffur og gott aðgengi. Steingráar borðplötur.
Búr er inn af eldhúsi. Fallegar hillur, góð vinnuaðstaða og vaskur.
Herbergi I er rúmgott hjónaherbergi, 12,8 m2 (stærsta herbergið). Fataskápar úr því herbergi voru fluttir yfir í næsta herbergi.
Herbergi II var útbúið sem fataherbergi. Stórir viðarskápar upp í loft. Stærð 9,5 m2.
Herbergi III er með þreföldum fataskáp. Stærð herbergis 10,1 m2.
Herbergi IV er með þreföldum fataskáp. Stærð herbergis 8,9 m2.
Baðherbergi er flísalagt í hólf og gólf með ljósum flísum. Sturta með gleri, baðkar, upphengt salerni, svartur handklæðaofn og innrétting við handlaug.
Bílskúr er með epoxy á gólfi. Niðurfall fyrir miðju gólfi. Vaskur. Lagnagrind, rafmagnstafla og ljósleiðari í bílskúr. Varmaskiptir á vatninu. Rafmagn er 3-fasa. Sjálfvirkur hurðaopnari.
Geymsla er opin og er í hluta af bílskúr. Búið er að setja þvotta aðstöðu með fallegri innréttingu í enda bílskúrsins. Útgengi er út á viðar verönd.

Garður/lóð framan við hús er hellulagt upphitað bílaplan sem uppfyllir skilyrði fatlaðra. Á norðaustur hluta lóðar er grasflötur og aftan við hús til suðvesturs er stór viðar verönd með skjólgirðingu. Búið að að byggja upphitaðann geymsluskúr með svarti klæðningu og tvöfaldri útihurð.
Viðar verönd er með heitum potti. Hitastýring er í bílskúr með rafmagns kúluloka. Í hluta af timburvirki við pottinn eru geymslurými.

* Innréttingar, gólfefni o.fl.: Innfelld lýsing er í öllum rýmum íbúðarhúsnæðis.
* Gólfefni eru flísar og parket og flæðir parket á milli rýma án þröskulda.
* Parket er nýtt frá 2021.
* Gólfhitastýring í öllum rýmum.
* Í bílskúr er epoxy á gólfi.
* Allar innréttingar eru sérsmíðaðar, svarbrúnar og ná upp í loft. Engar höldur á skápum og lokast skúffur og skápar með ljúflokun. Útiljós eru með birtunema.

Byggingarlýsing: Einlyft parhús, byggt úr timbri og klætt flísum að utanverðu. Á lóð eru tvö bílastæði og sorpskýli. Hvor húseining er sér brunahólf, þ.e. sér brunahólf er milli húseininganna tveggja (samliggjandi bílskúrar) og sér brunahólf milli íbúðar og bílskúrs. Sökklar og botnplata eru staðsteypt með járnbentri steinsteypu. Gluggar eru timbur-ál og glerjaðir með tvöföldu K-gleri. Þakvirki er varið með þakpappa og báraðri málmklæðningu. Varmaskipti fara fram við inntök hússins. Húsið er hitað upp með gólfhitalögn. Nánari útlistun er að finna í byggingarlýsingu á samþykktri teikningu.