Lágaleiti 11 - íbúð 301

Um er að ræða fallega og bjarta 4ra herbergja íbúð á 3. hæð í vönduðu nýlegu lyftuhúsi á RÚV reitnum við Lágaleiti.

Eignin skiptist í forstofu/hol, samliggjandi stofu/borðstofu og eldhús, 3 svefnherbergi, 2 baðherbergi og svalir bæði til suðurs og norðurs.
Tvö stæði í bílageymslu fylgja íbúðinni og einnig tvær mjög góðar geymslur í kjallara. Önnur þeirra beint fyrir innan annað bílastæðanna.

Eignin er skráð 152,7m2 og skiptist í 124,1m2 íbúð og ásamt geymslum sem eru 11,1m2 og 17,5m2.

• Innréttingar eru hannaðar af GKS og smíðaðar af Nobilia í Þýskalandi.
• Hús klætt að utan með vandaðri viðhaldslausri veðurkápu.
• Fallegt planka Pergo harðparket, sem er vatns og höggþolið, á öllu nema baðherbergjum, forstofu og við svalaútgang.

Nánari lýsing:
Forstofa: Frá sameign er gengið í forstofu/gang og þaðan er gengið í önnur rými íbúðarinnar. Góður innbyggður fataskápur er á ganginum.
Baðherbergi 1: Gengið í frá forstofu. Gólf og votrými flísalögð með fallegum flísum. "Labb-inn" sturta, nett innrétting með speglaskáp, upphengt salerni og handklæðaofn.
Stofa/borðstofa: Samliggjandi í rúmgóðu opnu og björtu rými. Gólfsíðir gluggar í hluta rýmisins. Frá stofu er gengið út á suðursvalir.
Svalir 1: Út frá stofu eru um 6m2 svalir til suðurs.
Eldhús: Vönduð innrétting hönnuð af GKS. Mikið skápapláss og góð eyja með spanhelluborði. Borðplötur úr plastlögðum viði. Ofn í vinnuhæð og nýleg uppþvottavél.
Baðherbergi 2: Rúmgott baðherbergi með tengi fyrir þvottavél og þurrkara. Gólf og votrými flísalögð með fallegum flísum. "Labb-inn" sturta, góð innrétting með speglaskáp, upphengt salerni og handklæðaofn.
Hjónaherbergi: Rúmgott og bjart með stórum innbyggðum fataskáp og fallegum hornglugga.
Herbergi 2: Rúmgott og bjart herbergi með innbyggðum fataskáp.
Herbergi 3: Gott og bjart herbergi.
Svalir 2: Út frá herbergjagangi eru um 6m2 svalir til norðurs. Þær snúa út í sameiginlegan inngarð með leiksvæði.

Tvö bílastæði í lokaðri bílageymslu fylgja. Við annað stæðið er hleðslustöð fyrir rafbíl en við hitt stæðið er búið að leggja rafmagn og auðvelt að setja upp stöð. Annað stæðið nýtist til að geyma bæði kerru og bíl.
Tvær góðar geymslur fylgja íbúðinni. Stærri geymslan er 17,5m2 og er beint fyrir aftan annað stæðið. Hún er í dag notuð sem hálfgert hobbí-og smíðaherbergi. Hin geymslan er 11,1m2 og er á geymslugangi.

Í sameign er einnig sameiginleg hjólageymsla.

Eignin er á frábærum stað miðsvæðis á höfuðborgarsvæðinu þaðan sem stutt er í þjónustu, skóla/leikskóla og útvist!

Nánari upplýsingar veita Heiðrekur Guðmundsson, löggiltur fasteignasali í 845-9000 / [email protected] eða Viltu fasteignir í síma 583-5000 / [email protected]