Hraunbær 12A - íbúð 104

Íbúðin sjálf er 99,3 m2 og á 1. hæð í 3 hæða blokk. Íbúðin skiptist í þrjú svefnherbergi, forstofu, baðherbergi, eldhús og stofu.Upprunalegar innréttingar og um 15 ára plastparket á allri íbúðinni fyrir utan baðherbergi sem er flísalagt. Tvennar svalir í vestur og austur.
Geymsla í sameign er skráð 5,1 m2. Sérmerkt bílastæði fylgir íbúðinni.
Stutt í alla helstu þjónustu, skóla og leikskóla.

Nánari lýsing:

Forstofa: Frá stigagangi er gengið í góða forstofu með plastparketi á gólfi og rúmgóðum fataskáp. Þaðan er hægt að fara í stofuna, eldhúsið, svefnherbergisganginn og baðherbergið.
Eldhús: Er í upprunalegu ástandi og mjög vel með farið. Það er með hvíta og viðarlitaða innrettingu og plastparket á gólfi.
Stofa/Borðstofa: Eru við hliðina á eldhúsinu í opnu og björtu rými.. Þaðan er gengið á skjólgóðar svalir til vesturs. Plastparket á gólfi.
Herbergi 1: Bjart og rúmgott hjónaherbergi með stórum innbyggðum fataskáp. Þaðan er gengið á skjólgóðar svalir til austurs. Plastparket á gólfi.
Herbergi 2: Gott herbergi með tvöföldum fataskáp. Plastparket á gólfi.
Herbergi 3: Gott herbergi með Plastparket á gólfi.
Baðherbergi: Flísalagt í hólf og gólf í ljósum lit. Baðkar með sturtuaðstöðu, salerni, handlaug og 2 gluggar og þar af einn opnanlegur.

Upplýsingar frá seljanda:

Það var skipt um glugga í íbúðinni 2017 og í eldhúsinu 2020.
Blokkin var máluð 2017 og skipt var um útidyrahurðirnar 2017.
Þvottahús, það þarf að panta tíma i þvottahúsinu með spjaldi merkt 11 ( er í íbúðinni) það þarf að skrá upphaf og endir í þvottahúsinu í bók hjá mælinum sem er i Hraunbæ 12.

Á jarðhæð er sameiginleg vagna- og hjólageymsla. Í kjallara er sérgeymsla, 5,1 m2.

Þar er einnig sameiginlegt þvottahús og þurrkherbergi.

Á fallegum, gróðurríkum stað í Árbæ, í stuttu göngufæri við Elliðaárdalinn og fjölmargar útivistar- og gönguleiðir, stendur Hraunbær 12. Eignin er í rólegu, vel skipulögðu íbúðahverfi með leiksvæði og grænum svæðum — fullkomið fyrir fjölskyldur. Stutt er í grunn- og leikskóla, verslun, sundlaug og íþróttaaðstöðu, auk góðra tenginga við stofnbrautir og almenningssamgöngur. Frábær staðsetning fyrir þá sem sækjast eftir friðsælu umhverfi og með stutt í þjónustu og skóla.

Nánari upplýsingar í síma 583-5000 eða [email protected]